Asia Cup2025 భారత జట్టు ఎలా ఉందంటే | శ్రేయస్ అయ్యర్ ను ఎందుకు తీసుకోలేదు మీకు తెలుసా ?

 శ్రేయస్ అయ్యర్ సెలక్షన్ పై వివరణ?  జైస్వాల్ ను ఎందుకు డ్రాప్ కారణం

ఇదే తెలుసుకోండి.

ఆసియా కప్ 17వ ఎడిషన్ సెప్టెంబర్ 9నుంచి సెప్టెంబర్ 28వరకు యూఏఈలో జరగబోతోంది.

BCCI సెలెక్షన్ కమిటీ చైర్మన్ అజిత్ అగార్కర్ మరియు టీ20 కెప్టెన్ సూర్యకుమార్ యాదవ్ ఇద్దరూ కలిసి ఈరోజు మధ్యాహ్నం జట్టును ప్రకటించారు. అందులో కొన్ని షాకింగ్ మరియు ఆసక్తికరమైన పేర్లు ఉన్నాయి.

బ్యాటింగ్ ఎలా ఉందంటే

అందరూ అనుకున్నట్టుగానే అభిషేక్ శర్మ – సంజు శాంసన్  ఓపెనింగ్ జోడీగా ఆసియా కప్ బరిలోకి దిగబోతున్నారు, వైస్ కెప్టెన్ గా గిల్ కూడా ఓపెనింగ్ బాటింగ్ బరిలో ఉన్నాడు. దక్షిణాఫ్రికా పర్యటన నుండి వన్‌డౌన్‌లో అదరగొడుతున్న ప్రపంచ నంబర్ 2 టీ20 బ్యాటర్ మన తెలుగు బిడ్డ తిలక్ వర్మ ను కూడా సెలెక్టర్లు ఎంపిక చేశారు.

తిలక్ వర్మని పక్కన పెట్టి శుభ్‌మన్ గిల్‌ని వన్‌డౌన్‌లో పెడతారని రూమర్స్ వచ్చినా, సెలెక్టర్లు దానికి విరుద్ధంగా ఐపీఎల్‌లో బ్యాటింగ్ మరియు కెప్టెన్సీతో ఆకట్టుకున్న శ్రేయస్ అయ్యర్ ను పక్కన పెట్టడం మాత్రం కొంచెం షాకింగ్ నిర్ణయమే.

వెన్నుముక – మిడిల్ ఆర్డర్ ఎలా ఉంది

తర్వాత కెప్టెన్ సూర్యకుమార్ యాదవ్ మరియు హార్దిక్ పాండ్యా – ఇద్దరూ ప్రస్తుత టీ20 జట్టుకి వెన్నుముక, మ్యాచ్ విన్నర్స్ అని చెప్పవచ్చు.

వీళ్ల తర్వాత అక్షర్ పటేల్ – జట్టుకు బ్యాటింగ్, బౌలింగ్ రెండింట్లోనూ అవసరమైనప్పుడు అద్భుతంగా ఆడగలడు. ఎలాంటి పరిస్థితుల్లోనైనా కట్టుదిట్టంగా బౌలింగ్ చేయగలడు.

పవర్ హిట్టర్స్ ఎవరంటే ?

తర్వాత హిట్టర్స్ & ఫినిషర్స్ విషయానికి వస్తే – భారీ సిక్సర్లు కొట్టగల శివమ్ దూబే, ఆర్సీబీని క్వాలిఫయర్‌కి ఒంటిచేత్తో తీసుకెళ్లిన జితేష్ శర్మ, అలాగే మన సిక్సర్ల ధీరుడు రింకూ సింగ్ లను సెలెక్టర్లు తీసుకోవడం జరిగింది. వీరిలో ఎవరు హిట్టింగ్‌లో బాగా రాణిస్తారో చూడాలి.

బౌలింగ్ దళం

టీ20లో ఒక్క ఓవర్ లేదా ఒక్క మంచి డెలివరీతోనే మ్యాచ్ మలుపు తిప్పేయొచ్చు. “బౌలర్స్ విన్ ది టోర్నమెంట్” అంటారు. నిజంగానే టీ20లో బౌలింగ్ కీలకపాత్ర.

ఇప్పుడు కీలకమైన బౌలింగ్ విభాగాన్ని చూద్దాం –

మన యోర్కర్ కింగ్ బూమ్ బూమ్ బుమ్రా ఆసియా కప్ స్క్వాడ్‌లోకి రావడంతో జట్టుకి సగం బలం వచ్చినట్టే.

అతనితో పాటు ప్రస్తుత భారత బౌలర్స్‌లో విశ్వాసం నింపిన అర్ష్‌దీప్ సింగ్, వీరికి సపోర్టివ్‌గా హర్షిత్ రాణా – ఈ ముగ్గురూ కలిసి మంచి కాంబినేషన్ అవుతారని చెప్పవచ్చు.

స్పిన్నర్స్

స్పిన్నర్ల విషయానికి వస్తే – వరుణ్ చక్రవర్తి మరియు కుల్దీప్ యాదవ్.

ఇద్దరూ ప్రస్తుతానికి ఉన్న బెస్ట్ స్పిన్నర్స్. మ్యాచ్ విన్నింగ్ స్పెల్స్ వేయగలరనే నమ్మకం ఉంది.

కొంత అసంతృప్తి సహజమే

శ్రేయస్ అయ్యర్‌కి చోటు లేకపోవడానికి కారణం

మొత్తానికి ఆసియా కప్ స్క్వాడ్ అన్ని విధాలా బలంగా ఉందని అనుకోవచ్చు.

శ్రేయస్ అయ్యర్ కూడా ఉండాల్సింది కానీ జట్టు కాంబినేషన్ దృష్టిలో పెట్టుకుని ఆయనకి చోటు దొరకలేదని సెలెక్షన్ కమిటీ చైర్మన్ అజిత్ అగార్కర్ తెలిపారు.

యశస్వి జైస్వాల్ విషయానికి వస్తే – ఇప్పటికే అభిషేక్ శర్మ బాగా ఆడుతున్నాడు, పైగా అతను బౌలింగ్ కూడా చేయగలడు. కుడిచేతి బ్యాట్స్‌మన్ కాంబినేషన్‌లో సంజు శాంసన్, శుభ్‌మన్ గిల్ ఉన్నారు. అందువల్ల జైస్వాల్ స్టాండ్బైలో ఉండాల్సి వచ్చింది అని అజిత్ అగార్కర్ చెప్పారు.

ఎప్పుడైనా ఒక ఆటగాడికి టీమ్ కాంబినేషన్, ఫామ్, కొన్ని పరిస్థితుల దృష్ట్యా చోటు రాకపోవచ్చు. అలాంటివి సహజమే.

ఏదేమైనా మనమందరం కోరుకోవాల్సింది ఒక్కటే – టీమ్ ఇండియా మళ్లీ ఆసియా కప్ గెలవాలి! 🇮🇳🏆

🏏 ఇండియా స్క్వాడ్ ఫర్ ఆసియా కప్ 2025

కెప్టెన్: సూర్యకుమార్ యాదవ్

వైస్ కెప్టెన్: శుభ్‌మన్ గిల్

హెడ్ కోచ్: గౌతమ్ గంభీర్

బ్యాట్స్‌మన్ / వికెట్‌కీపర్స్

1. శుభ్‌మన్ గిల్ (VC)

2. అభిషేక్ శర్మ

3. సంజు శాంసన్ (WK)

4. తిలక్ వర్మ

5. రింకూ సింగ్

6. జితేష్ శర్మ (WK)

7. సూర్యకుమార్ యాదవ్ (C)

8. హార్దిక్ పాండ్యా

9. అక్షర్ పటేల్

10. శివమ్ దూబే

11. జస్ప్రీత్ బుమ్రా

12. అర్ష్‌దీప్ సింగ్

13. హర్షిత్ రాణా

14. కుల్దీప్ యాదవ్

15. వరుణ్ చక్రవర్తి

స్టాండ్బై ప్లేయర్స్ లిస్ట్

• ఐపీఎల్ పర్పుల్ క్యాప్ బౌలర్ ప్రసిద్ధ్ కృష్ణ
• వాషింగ్టన్ సుందర్
• ధృవ్ జురెల్
• రియన్ పరాగ్
• యశస్వి జైస్వాల్